Djadumigu ultimo ey tabata FANTASTIKO.
Nos Miss Mami Dushinan a duna un tremendo presentashon durante nan prome presentashon ofishal na Prensa i Publiko. Un publiko di hende netji so a yena e sala i nos tabata ta tin un atardi hopi informativo i edukativo pa tur ku tabata presente.
Un danki speshal ta bai na e damasnan di Glow & Grow ku a duna nos publiko informashon interesente di nan labor pa empodera e hende muhe. Bunita trabow Shareley i Rushanette. ta hasi.
Despues di pauze e fiesta mes a kuminsa. Riba tononan di kansionnan na Papiamentu, nos mama a gewoon boltu e kas ay ana Fletcher Hotel. Kada un a lusi den nan propio luz i personalidad. Kada presentashon tabata diferente pero tambe hopi original.
Un reflekshon perfecto di nan personalidad.
Nos a konta tambe ku presensha di Dayana Nunez (Colombia), Miss Mama Modelo Latina, ku tabata co-anfitriona (MC) durante e presentashon di nos Mami Dushinan. E tabata enkarga ku e parti di e idioma Ulandes di e evento. E prome finalista di Miss Mama Modelo Latina, Maria Montezuma (Venezuela) tambe e honre nos ku su presensia i e a komparti ku tur nos Mami Dushinan backstage.
Tur kos a kana zeta zeta. Kuminsa na tempu i kaba na tempu. I tur hende a gusta. No solamente e evento riba su mes, pero tambe e mensaje, mishon i vishon ku Miss Mami Dushi tin.
A sobra solamente dos fecha importante kaminda bo mester tey:
22 di Juni 2025
E speech contest di nos Miss Mami Dushi.
Topiko principal lo ta:
EMPODERAMENTU DI E HENDE MUHE.
Kada kandidata lo presenta nan propio vershon di e topiko aki. Of na Papiamentu of na Ulandes.
Entrada pa e evento aki ta kompletamente gratis, kuminsando pa 5or di atardi na Café Dox den e Nieuwe Luxor Theater na Rotterdam. Aunke e entrada ta gratis, e kuponan ta limita! Ta pesei bo mester registra pa ta presente. Esaki lo sosode via di e website di
de Nieuwe Luxor Theater. PRONTO nos lo bin ku mas informashon!
29 di Juni 2025
Gala final di Miss Mami Dushi.
Un atardi/anochi yena ku sorpresanan agradbel.
Luga i orario lo wordu anunsia PRONTO.
Durante e atardi/anochi aki nos lo sa ken lo ta e ganadora di Miss Mami Dushi i kwa pais lo representa Antiyas durante luna di September na Kuala Lumpur (Maleisië)
Pues keda pendiente!
