Bo indulgensia pa permitími presentá mi mes nabo ku hopi kariño.

 

Spontaan, alegre, honesto, lief, dinamiko, responsabel, motiva, aktua, baila, kurioso, positivo i fuerte, ta 12 palabra ku ta definí un gran parti di mi persona.

 

Ku amor i sabiduría mi mama a skohe pami e bunita nomber Yanitsa dia mi a nase na e dushi paraíso den Caribe ku yama Korsou. Yanitsa ta para komo símbolo di un muhé fuerte i ku no ta give up lihé. Kai lanta, stof af kurpa i sigui kana den e direkshon ku Dios a stipulá ta algu ku mi ta hasi na e momento nesesario den mi bida. Mi Abba Vader manera mi ta gusta yame ta mi fuente di fortalesa i felisidat.

 

Mi ta un nakomertje manera nan ta bisa na Hulandes. Mi ta e yu di mas chikitu. Komo mi ta e ruman di mas jong i e diferensia di edat tambe ta un tiki grandi mi rumanan semper a malkriami i ta soru masha bon pami foi chiki. Mi ta kere ku te ku awoki nan kiersa kumi a keda mes chikí manera antes..hahaha.. Nos ta 14 ruman, 11 ta muhé i 3 so ta hòmber di kual lamentablemente unu a fayese na edat jong. E tabata e ruman net prome kumi i mi tabata stimele masha hopi mes. Na chikitu nos tabatin konflikto paso eta bisami mi ta fresku i kumi tin ku obedesele, kual mi no tabata hasi fasil ora mi no tabata diakuerdo kune. Na edat mas grandi nos tabata masha close mes ku otro i tabata kombersa mashá hopi riba vooral e opiko amor. Aña pasa mi a perde e prome ruman muhé esaki tambe tabata i ta un sla duru. Mi ta sinti falta dimi dos rumanan pero mi ta konfia ku nan ta bon kuidá kaminda nan ta.

 

Dia mi tabata chikitu riba tur mi rappòrtnan di skol tabatin skibí kumi ta un mucha muhé alegre i kumi ta gusta hari. Te ku aworaki mi ta tende kumi ta un hende great pa ta rondoná di dje, paso mi ta gezellig i semper tin harimentu. I esaki ta berdat! Según kumi tabata krese ku tempu mi a bin realisá ku esaki tambe ta mi kracht. Te asta ora mi ta enfrentando kualke situashon difísil, mi alegría no ta keda fo. Tin bia ku awa na wowo mi por hari of pone otro hari sin ku tabata mi intenshon. Eta bai di mes.

 

Na chikitu semper mi tabata rondoná di hopi mucha na skol. Bo por bisa kumi tabata popular, pero naturalmente den e forma positivo. Mi tabata un mucha obedesiente, nieuwsgierig, inteligente i ku den pauze ta gusta baila den kring Maria ta den kushina. Mi por a zoya mi heupnan masha bon mes. Mi tabata gusta tur e kantika nan kubo por a baila i zoya manera bichi kandela. Masha dushi tempu.

 

A pesar ku semper mi tabata hasi mi best bon na skol tur aña mi mama i rumanan tabata stimulami ku un frase ku hamas i nunka lo mi lubidé pasobra e tabatin un impakto grandi riba mi motivashon interno pa studia pa mi mes. E frase ta: “Shani si bo hasi bo best i bo bai over bo ta hana un regalo. E regalo nan a kuminsa na basischool na kosnan chiki manera kòpi ku skòter of barbie i según mi ta krese i bai klas mas haltu e regalonan tabata bira mas grandi of mas karu.

Despues di basischool mi a slag pa havo pero mi mama a haña ku ta mió mi bai mavo promé. Pues mi a bai Sint Martinus mavo na Brionplein Otra Banda. Un skol masha bon i dushi mes. Komo e nivel di skol tabata abou pami plus ma bin kompronde kon e strategia dimi mi mama i rumannan tabata tra pa motivami ku algu eksterno, mi a skohe pa hasi pret i pasa gezellig durante e promé i e di dos rapport wardando riba e bunita frase aya dimi mama i rumannan despues di e di dos rapport. Asina mi tabata zorg tur ana di nobo pami derde rapport bin bon pami bai over i haña mi cadeautje. Na skol mi tabatin diferente amigu i amiga kumi tabata hopi close kune. Un di nan yama Judeska. Bo por a mira nos huntu tur kaminda, asina ba mira Shani (ami) bo sa ku Deka (Judeska) tambe tei. Tur ora bo tabata tende Shani ku Deka. Auke antes den promé mi tabatin mas tantu amigu ku amiga. Mi lista di amistadnan ta asina largu kumi no ta kaba di mesnhoná. Bunita ta ora bo ta konsiente di ken bo tin den bo sirkuló chiki, ken den bo sirkuló grandi i vooral kiko bo tin na kada persona.

 

Aworaki mi ta korda kon delegá mi tabata te kumi por a pasa dor di e tralinan di e hekwerk rondó di skol ku den mi man un lista di pedido dimi i mi amigu i amiganan pa kumpra batata ku saus (kétchup i mayonaise) na un snack/ toko Portugues di e majornan di un amiga dimi na West end Brionplein. Tambe mi ta korda kon djabierne despues di skol nos tabata sinta kombersa riba Brionplein of bai keiru den Punda. Willemstad tabata yen yen di alumnonan di skol. Hopi dushi tempu mes.

 

Na edat jòng (tiener) mi no tabatin masha interés pa tin frei. Tur mucha hòmber ku puntrami pa frei mi tabata bisanan bon mi ta bai pensele. Ora mi bai kas mi tabata skibi e nòmbernan riba un lista den mi dagboek. Mi ta korda mi lista a yega te ku 40 i piku nòmber promé kumi a konose e promé mucha hòmber ku a bira mi frei di berdat i kumi a komparti mas ku mitar dimi bida kuné Mi focus tabata mas bien take care pami kurpa, sport kuida mi kabienan largu te den mi lomba i hasi bunita huntu ku Deka hahaha… Nos tabata bai les di modela i despues ami a drenta e grupo di baile The Sha Jo dancers. Mi a baila i treed op na diferente lugá. Banda di Broche dancers nos tabata un di e gruponan di mas popular. Mi a yega di baila na diferente lugá. Algún lugá ta por ehémpel na festival di tumba, den theater, den ring di bokseo na Isla berde etc. Tambe mi a yega di para hurado na kontest di brake dance i otro baile. Mi a yega di baila kumi grupo i graba un videoclip ku Paul Welvaart. Logronan bunita pa un damita jong i dinamiko.

 

Despues di Sint Martinus mavo ma bai havo Mil (Maria Imaculata Lyceum). Esaki tabata otro skol kaminda mi a pasa masha dushi mes mi a konose hopi mas hende. Mi grupo di amistad a bira aun mas grandi. Ta hopi koi konta mi tin pero nan ta muchu.. Loke a hasi hopi impacto riba mi tabata dia kumi a slag i kaba havo i mama a bisami eta hopi kontentu i orgulloso dimi kumi a slag. Mi a bira mucha grandi i ku di awor pa dilanti lo no bai tin regalo mas pa stimulami pami bai over. Si mi ke sigui siña esei ta mi propio eskoho. Wel esaki a kai mane un baño di awa frieuw riba mi pero despues mino a worry mi kabes mas te ma lubidá.

Ora mi a kaba Mil mi kier a bai studia na Hulanda pami bira kinderrechter, kinderpsycholoog of kinderarts pero mi mama no tabata ke. E tabata te beshermend. Asina mi a disidí di bai Akademia Pedagogiko na Korsou pami studia i bira juffrou di skol. E prome aña tabata masha great mes te  na e momento kumi a sinti kumi no tabatin e motivashon pa siña i hasi mi best. Mi tabata sinti falta di e frase popular aya di mi mama of rumannan pa dunami e boost. Kasi mi a stop ku PA. Pero pa gracia di Dios un día durante les mi tabata sinta sin smak ta volg e teoría over intrinsike en extrensike motivatie. Ineens un lus a sende den mi kabes i mi a bin realisa kiko tabata pasando kumi. Foi chiki sin motibu mi a ser motivá extrensiek i esaki  a pone ku mi stop di studia paso mi mes tabata ke. E motivashon di paden a disparsé. Pero danki na e lès aki mi a siña kon pa motivá mi mes pa tur loke mi ke logra den bida. Mi a gusta e estudio asina tantu ku mi tabata praktiká loke ma siña over kon bai om ku mucha riba un subrino dimi kumi tabata kria i kual pa ami te ku awe e ta mané mi prome yu hmòber, paso mama no ta esun ku ta pari so juist esun kuta kria.

 

Mi a bira juffrouw di skol i mi a tra masha dushi mes tres aña na skol basiko St joris college. Mi a será amistad ku algún kolega i te awe nos ta hopi bon ku otro. Despues di 3 aña mi a kuminsá sinti kumi mester di mas uitdaging i e pregunta a kai ku si mi ta interesá pa bira kabes di skol. Mi a  bisa no i a skohe pa bai sigui studia na Hulanda paso mi tabata jong i mi kier a desaroyá mi mes mas riba diferente área i siña mas mio kon pami ta mas zelfstandig. Mi mester a stòp lamentablemente ku bailamentu dor kumi skohe pa un futuro na un otro país.

 

Promé kumi biahe mi a prepará mi mes mentalmente hopi bon. Mi tabata hopi konsiente di kiko mi ta bai hasi na Hulanda. Mi a formula mi metanan i foi Korsou mi a kuminsa tra riba nan i regel tur mi kosnan mi mes, skol, studentenkamer enz. Mi a tra extra dunando bijles i spaar tur e sènnan kumi tabata gana. Asina mi a será un montante basta grandi kumi mes por a paga mi estudio na Hulanda sin tin mester di tuma studiefinanciering. Mi a duna bijles i huiswerkbegeleiding na bos di hubentut, na diferente skol i tambe prive bijles na kas. Mi a hasi esaki ku hopi amor

 

E desishon pa bai studia na Hulanda no tabata fasil paso mi mester a lucha duru pami por a los un tiki for di e protekshon inmenso dimi mama. Den prome mi tabata bai Korsou 2 bia pa aña durante vakashon di zomer plus december pami por ta huntu kumi mama i famianan na Korsou pasobra nan ta hopi importante pami. Pami famia semper tabata na promé luga.

Na Hulanda mi a studia anochi Pedagogiek na hogeschool Rotterdam i durante dia mi tabata tra na basisschool de Klinker na spijkenisse. Esta great mi a wordu risibí Mi a tra dos aña masha great mes aki nan. Mi a siña hopi kos nobo, i mi a amplia mi konosementu i eksperensia komo jufrou di skol. Mi koleganan, e muchanan i e majornan tabata tratami masha bon mes. Nan tabata hañami un strenge juf met veel orde en discipline. Mi promé día di trabo una e skol aki nunca mas lomi lubidé, totalmente otro foi na Korsou. Pa tene Korsou serka dimi i tambe pa informa otro hende di unda mi ta bini mi a richt in un huki den mi klas ku e tema Curaçao. Mi tabata siña mi leerlingnan kanta na Papiamentu. Nan tabata gusta e kantika blenchi ta pika flor masha hopi mes. Mi tabata sintimi hopi bon kuida dor dimi collega’s. Mi directeur tabata gusta hari mi blundersnan dor ku den kuminsamentu mi tin bia mi tabata vertaal letterlijk foi Papiamentu i na Hulandes eta nifika otro kos… hahaha….. Ora bo yega Hulanda bo ta kere ku bo por papia Hulandes bon pero basta lihé bo ta bin realisá ku e Hulandes ku nos ta siña na Korsou ta basiko i ku na Hulanda den promé e por ta un struikelblok pabo tin ne lihé bou di kontrol.  Ami tabata skibi tur palabra kumi no konose den un schrift, buska e nifikashon, tra frase kune i purba huze mas tantu kumi por den un siman. Mi tabata wak jeugdjournaal, klokhuis i otro kinderprogramma’s tur dia. Lesa buki i papia Hulandes na kas i ku hende ku por papia e idioma bon. Vooral paga bon tinu ora nan ta papia. Esaki nan a yudami masha bon mes. Si bo tin problema ku Hulandes purba train bo mes di e forma aki wak si eta yudami meskos ku ami.

 

Asina mi a kaba studia Pedagogiek i kumi a haal mi bevoegdheid pa duna les na skol mas haltu mi a solisita pa duna les na mbo. Mi a tra komo docent na diferente opleiding i mi a duna les na tur niveau. Mi stima mi trabou paso den mbo bo tin diferente posibilidat pabo krese i maak carierre. Mi a yega duna diferente vak, mi tabata mentor, coach, coordinator Nederlands etc. Te promé ku Corona mi a tra komo reken- en tal docent. Mi a lucha pami por tin mi mes reken- en taallokaal i mi a logra esei tambe. Mi a haña ku ta hopi importante pami krea un ambiente kaminda studiantenan por ser geprikkeld pa nan ta motivá pa nan hasi nan best pa e dos vaknan aki. Mi ta hopi orgulloso kumi a logra esei pa mi studiantenan i vooral ku e ta duna resultado.

 

Mi a volg tambe e opleiding rekenspecialist kual a yudami specialisá mi mes mas pa yuda mi almunonan pa nan tin succeservaring paso vooral pa rekenen nan tabata presta hopi bia bou di nivel. Mi a introdusí un programa kaminda e studiantenan ta haña extra begeleiding den loke nan tin mester dus e por ta un vak pero e por ta siña tra planning tambe.

 

Durante e periodo di corona mi a tra algún aña na Hogeschool Rotterdam komo NPO-coach. Aki mi a yuda diferente sudiante ku ta studia pa bira docente i ku a kai patras ku nan estudio pa difererente motibu. Majoria bia nan tabatin hopi difikultat ku Hulandes of depreshón. Mi a duna coachingssessies tantu online komo fysiek na skol of stageplek i tiki tiki pero sigur nan tabata logra entregá un portfolio na nivel I sigui ku nan estudio. Mi a ripara ku vooral e studiantenan ku ta bin for di “Antias” tin e inteligensia necesario pero e Hulandes i e mindset ta un problema. Un preparashon  amplió ta un must prome kubo bai studia den eksterior.

Kuater aña pasa mi a haal mi sertifikado di assessor, mi a stop di para dilanti klas i mi kuminsa tra na examenbureau komo examenleider pa e vak Hulandes. Aktualmente Mi tin kasi 26 aña laborando ku hopi amor den enseñansa. Den un futuro serkano den nòmber di Dios lo mi bai pa un reto nobo..

 

Banda di trabou mi ta run un stichting ku jama Jeugdfinanciën huntu ku un bon amiga. E meta prinsipal di nos stichting ta pa nos muchanan tin un futuro fianciero stabiel i pa nan ta bon konsiente kon pa bai om ku sen i asina e kombati pobresa bou di nos hendenan dor di mal manego di finansa.

 

Un hobby kumi a deskubri ultimo añanan ta aktua. Esta dushi hasi theater taaaa. Purbe!

 

15 ana pasa mi a bira mama aki na Hulanda di un presioso yu hòmber. Riba e mundo aki mi yu Shiloh ta mi tur kos. Nos band ta hopi close mes. Shiloh ta mi keeper favorito. Mi dushi ta gusta ponemi hari manera eso sa ta kon. Komo mama soltera, kual no ta nada fasil mi kumi yu ta forma un bunita team. Mi yu ta hopi wijs. Mi stima mashá ora eta huza wijsheid pa dunami konsego i tambe ora eta hasi orashon pami komo su mama. Tur día di nobo mi ta yama Dios danki pa Shiloh, mi regalo for di shelu.

 

Algun luna pasa mi a hasi aña, por sierto un bunita edat pa selebrá, pero ma skohé enbes di hasi fiesta pa otro kos. E regalo di mas bunita kumi por a regala mi mes ta di partisipá na Miss Mami Dushi 2025. Para ketu un ratu i tuma tempu pa bo mes pabo por empodera bo mes i pa despues bo por nifika algu pa otro persona pero sin perde bo mes ta netamente lokual mi ta bezig kune den e fase aki di mi bida. I Miss Mami Dushi a kontribuí masha bon mes na esaki.

 

Mi ta un persona ku Semper a yuda tur hende ku tabata rondo dimi, pero lastimamente mi no a para ketu i realisá kon importante ta pabo stima bo mes i kuida bo mes na prome luga. Sòru pabo tempel ta bon kuidá promé. Asina bo ta muchu mas mió in staat pa nifika algu pa un otro persona.

 

Mi konsego pabo ta nunka no laga pa bo pasado stroba bo presente di bria i evitá pabo por tin un futuro ekselente.Tur loke bo tin mester, bo kreador a pone nan den bo mes. Tuma tempu i deskubrí ken bo ta di berdat i kiko bo ta kapas di hasi. Hasi uzo di bo potensia. Kuminsa mane bo ta i ku loke bo tin. Kere den bo mes i lo bo mira.. Bo ta logra!

 

Ami ta purba  tur día di nobo pa konsulta tur kos kumi kier hasi kumi tata Selestial. Djis purbe bo tambe i bo mes lo mira e resultado.

 

Mi eksperensha ku Miss Mami Dushi. Mi a Sali prome finalista kual mi ta hopi orgulloso dimi mes paso mi a logra kibra un barera ku tabata strobami hasi loke mi tabata gusta hasi foi chiki kual ta partitisipa na konkurso diferente tipo di sertamen. E barera aki a pone ku den pasado na tur okashon kumi a bisa no na tur persona of organisashon ku aserkami ku  epregunta pa doe mee ku un konkurso. E logro aki  tambe a trese desaroyonan nobo den mi bida. Diferente portanan ta habriendo i oportunidatnan ta presentando riba mi kaminda. Mi proksimo reto ta partisipá i representá Korsou na un sertamen di beyesa pa hende muhé/mama na Dubai den luna di sèptèmber.

 

Korsou mi ta bai hasi mi best pami saka tantu mi kara komo esun dibo!
Kontentu di por a kompartí un parti dimi bida kubo. Mi ta spera kumi por a inspirabu ku algu.